Aadhaar Card
ಭಾರತೀಯರಿಗೆ ಆಧಾರ್ ಕಾರ್ಡ್(Aadhaar Card) ಅತ್ಯಂತ ಪ್ರಮುಖ ದಾಖಲೆ(Record)ಗಳಲ್ಲಿ ಒಂದಾಗಿದೆ. ಸರ್ಕಾರಿ ಮತ್ತು ಖಾಸಗಿ ಏಜೆನ್ಸಿಗಳು ನೀಡುವ ಅನೇಕ ಸೇವೆಗಳು ಮತ್ತು ಯೋಜನೆಗಳನ್ನು ಪಡೆಯಲು ಆಧಾರ್ (Aadhaar Card) ಅಗತ್ಯವಿದೆ ನಮ್ಮಲ್ಲಿ ಹೆಚ್ಚಿನವರು ಅನೇಕ ವರ್ಷಗಳ ಹಿಂದೆ ಆಧಾರ್ ಕಾರ್ಡ್ ಮಾಡಿಸಿರುತ್ತಾರೆ.
ಆ ವೇಳೆ ನಿಮ್ಮ ಆಧಾರ್ ಕಾರ್ಡ್‌ನಲ್ಲಿ ಬಂದ ಫೋಟೋ (Photo) ಅಷ್ಟಾಗಿ ಕ್ಲ್ಯಾರಿಟಿ(Clarity) ಇರುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಈ ಸುಲಭ ಹಂತಗಳನ್ನು ಅನುಸರಿಸುವ ಮೂಲಕ ಆಧಾರ್ ಕಾರ್ಡ್‌ನಲ್ಲಿರುವ ಫೋಟೋವನ್ನು ಸುಲಭವಾಗಿ ಬದಲಾಯಿಸಬಹುದು.
ಆಧಾರ್ ಕಾರ್ಡ್‌ನಲ್ಲಿ ಫೋಟೋವನ್ನು ಬದಲಾಯಿಸುವುದು ಹೇಗೆ?
* ಹತ್ತಿರದ ಆಧಾರ್ ನೋಂದಣಿ ಕೇಂದ್ರ ಅಥವಾ ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ.
* UIDAI ವೆಬ್‌ಸೈಟ್‌ನಿಂದ ಆಧಾರ್ ನೋಂದಣಿ/ತಿದ್ದುಪಡಿ/ಅಪ್‌ಡೇಟ್ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ.
* ಪೋರ್ಟಲ್ ಲಿಂಕ್ https://ssup.uidai.gov.in/ssup/ ಆಗಿದೆ.
* ಹೋಮ್‌ಪೇಜ್‌ನಲ್ಲಿ ಆಧಾರ್ ಎನ್‌ರೋಲ್‌ಮೆಂಟ್ ಫಾರ್ಮ್ ಡೌನ್‌ಲೋಡ್ ಮಾಡಿ ಪ್ರಿಂಟ್ ಔಟ್ ತೆಗೆಯಿರಿ
* ಫೋಟೋ ಬದಲಾಯಿಸುವ ಬಗ್ಗೆ ಫಾರ್ಮ್‌ನಲ್ಲಿ ಕೇಳಿದ ಮಾಹಿತಿ ತುಂಬಿರಿ
* ಈಗ ಆಧಾರ್ ಕಾರ್ಡ್ ಎನ್‌ರೋಲ್‌ಮೆಂಟ್ ಸೆಂಟರ್‌ ಅಥವಾ ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ ಹಾಗೂ ಭರ್ತಿ ಮಾಡಿದ ಅಪ್ಲಿಕೇಶನ್ ಅನ್ನು ನೀಡಿ.
* ಅಲ್ಲಿ ನಿಮ್ಮ ಫೋಟೋ ಮತ್ತು ಬಯೋಮೆಟ್ರಿಕ್‌ ನೀಡಿ.
* ಈ ವೇಳೆ ಆಧಾರ್ ಕೇಂದ್ರದಲ್ಲಿ 50 ರೂಪಾಯಿ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.
* ಫಾರ್ಮ್ ಅನ್ನು ಯಶಸ್ವಿಯಾಗಿ ಸಲ್ಲಿಸಿದ ನಂತರ, ನಿಮಗೆ ಅಪ್‌ಡೇಟ್ ವಿನಂತಿ ಸಂಖ್ಯೆ (URN) ಒಳಗೊಂಡಿರುವ ಸ್ವೀಕೃತಿ ಚೀಟಿಯನ್ನು ನೀಡಲಾಗುತ್ತದೆ.
* ಈ ಸಮಯದಲ್ಲಿ ಅಪ್‌ಡೇಟ್ ರಿಕ್ವೆಸ್ಟ್ ನಂಬರ್ ಇರುವ ಸಮ್ಮತಿ ಸ್ಲಿಪ್ ಅನ್ನು ನೀಡಲಾಗುತ್ತದೆ.
* ಒಂದು ವಾರದೊಳಗೆ ನಿಮ್ಮ ಹೊಸ ಆಧಾರ್ ಕಾರ್ಡ್ ಅನ್ನು ನೀವು ಮನೆಗೆ ಬರುತ್ತದೆ.
* ಇಲ್ಲವಾದ್ದಲ್ಲಿ ಯುಐಡಿಎಐ ಪೋರ್ಟಲ್‌ನಿಂದಲೂ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
ಈ ವಿಷಯಗಳನ್ನು ನೆನಪಿನಲ್ಲಿಡಿ
* ಆಧಾರ್ ಕಾರ್ಡ್‌ನಲ್ಲಿರುವ ಫೋಟೋವನ್ನು ಬದಲಾಯಿಸಲು ನಿಮಗೆ ಯಾವುದೇ ದಾಖಲೆಯ ಅಗತ್ಯವಿಲ್ಲ.
* ಕಾರ್ಯನಿರ್ವಾಹಕರು ವೆಬ್‌ಕ್ಯಾಮ್ ಬಳಸಿ ಅದೇ ಸಮಯದಲ್ಲಿ ಫೋಟೋವನ್ನು ಕ್ಲಿಕ್ ಮಾಡುವುದರಿಂದ ನೀವು ಫೋಟೋವನ್ನು ಸಲ್ಲಿಸುವ ಅಗತ್ಯವಿಲ್ಲ.
* ಆಧಾರ್‌ನಲ್ಲಿ ವಿವರಗಳನ್ನು ನವೀಕರಿಸಲು ಇದು 90 ದಿನಗಳವರೆಗೆ ತೆಗೆದುಕೊಳ್ಳಬಹುದು.
* ನೀಡಿರುವ URN ಅನ್ನು ಬಳಸಿಕೊಂಡು ನೀವು ಆನ್‌ಲೈನ್‌ನಲ್ಲಿ ಆಧಾರ್ ನವೀಕರಣ ಸ್ಥಿತಿಯನ್ನು ಪರಿಶೀಲಿಸಬಹುದು.
* ಸೆಲ್ಫ್-ಸರ್ವೀಸ್ ಅಪ್‌ಡೇಟ್ ಪೋರ್ಟಲ್ ಆಧಾರ್ ಕಾರ್ಡ್‌ನ ಫೋಟೋ ಬದಲಾವಣೆ ಪ್ರಗತಿಯನ್ನು ಬೆಂಬಲಿಸುವುದಿಲ್ಲ.
ಆಧಾರ್ ಡೌನ್‌ಲೋಡ್ ಮಾಡಲು ಈ ರೀತಿ ಮಾಡಿ
* ಅಧಿಕೃತ UIDAI ವೆಬ್‌ಸೈಟ್‌ಗೆ ಭೇಟಿ ನೀಡಿ
* ಮೈ ಆಧಾರ್ ಎಂಬ ಟ್ಯಾಬ್‌ಗೆ ಹೋಗಿ ಹಾಗೂ ಡೌನ್‌ಲೋಡ್ ಆಧಾರ್ ಆಯ್ಕೆ ಕ್ಲಿಕ್ ಮಾಡಿ
* ನಿಮ್ಮ ಆಧಾರ್ ಸಂಖ್ಯೆ ಒದಗಿಸಿ ಹಾಗೂ ಕ್ಯಾಪ್ಚಾ ಕೋಡ್ ಒದಗಿಸಿ
* OTP ಕಳುಹಿಸಿ ಬಟನ್ ಕ್ಲಿಕ್ ಮಾಡಿ.
* ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ.
* OTP ನಮೂದಿಸಿ ಹಾಗೂ ಲಾಗಿನ್ ಮಾಡಿ
* ನಿಮ್ಮ ಅಪ್‌ಡೇಟ್ ಆದ ಆಧಾರ್ ಕಾರ್ಡ್ ಡೌನ್‌ಲೋಡ್ ಮಾಡಲು “ಡೌನ್‌ಲೋಡ್ ಆಧಾರ್” ಮೇಲೆ ಕ್ಲಿಕ್ ಮಾಡಿ.