Petrol bunk
ಪೆಟ್ರೋಲ್ ಬಂಕ್(Petrol Bunk)ಗಳು ಸದಾ ವಾಹನ ಸವಾರರಿಂದ ತುಂಬಿ ತುಳುಕುತ್ತಿರುತ್ತವೆ. ಪೆಟ್ರೋಲ್, ಡೀಸೆಲ್‌ಗಾಗಿ (Petrol, Diesel) ಸರತಿ ಸಾಲುಗಳಿರುತ್ತವೆ. ಇದರಿಂದ ಪೆಟ್ರೋಲ್ ಬಂಕ್‌ಗಳು (Petrol Stations) ಯಾವಾಗಲೂ ಜನದಟ್ಟಣೆ (Overcrowding)ಯಿಂದ ಕೂಡಿರುತ್ತವೆ.
ಪೆಟ್ರೋಲ್ ಬಂಕ್‌ನಲ್ಲಿ ಜನರಿಗೆ ಕೆಲವು ಉಚಿತ ಸೇವೆಗಳೂ(Free services) ಇವೆ. ಇವು ಉಚಿತ((Free) ಎಂದು ಅನೇಕರಿಗೆ ತಿಳಿದಿಲ್ಲ. ಸರ್ಕಾರಗಳು(Govt) ಸಾಮಾನ್ಯವಾಗಿ ಪೆಟ್ರೋಲ್ ಬಂಕ್ ಮಾಲೀಕರಿಗೆ ಈ 6 ಸೇವೆಗಳನ್ನು ನೀಡಬೇಕಾಗಿ ಸೂಚಿಸುತ್ತವೆ. ಸರ್ಕಾರಗಳು ಈ 6 ಸೇವೆಗಳನ್ನು ಸಾರ್ವಜನಿಕರಿಗೆ ಉಚಿತವಾಗಿ ಒದಗಿಸಿದರೆ ಮಾತ್ರ ಪೆಟ್ರೋಲ್ ಬಂಕ್‌ಗಳಿಗೆ ಅನುಮತಿ ನೀಡುತ್ತದೆ.
ಈ ಆರು ಸೇವೆಗಳನ್ನು(Six services) ಒದಗಿಸದಿದ್ದಲ್ಲಿ ಪೆಟ್ರೋಲ್ ಬಂಕ್ ಮಾಲೀಕರ ವಿರುದ್ಧವೂ ದೂರು ದಾಖಲಿಸಬಹುದು. ಹೌದು, ಈಗ ಪೆಟ್ರೋಲ್ ಬಂಕ್‌ಗಳು ಉಚಿತವಾಗಿ ನೀಡುವ 6 ಉಚಿತ ಸೇವೆಗಳನ್ನು ನಾವು ತಿಳಿಯೋಣ ಬನ್ನಿ.
ಯಾವುದೇ ಪೆಟ್ರೋಲ್ ಪಂಪ್ ಈ 6 ಉಚಿತ ಸೌಲಭ್ಯಗಳನ್ನು ಒದಗಿಸಬೇಕಾಗುತ್ತದೆ. ನೀವು ಪೆಟ್ರೋಲ್ ಬಂಕ್ ನಿಂದ ಈ ಸೌಲಭ್ಯಗಳನ್ನು ಪಡೆಯದಿದ್ದರೆ, ನೀವು ಪೆಟ್ರೋಲ್ ಬಂಕ್ ವಿರುದ್ಧವೂ ದೂರು ನೀಡಬಹುದು. ಆದ್ದರಿಂದ, ಈ ಉಚಿತ ವೈಶಿಷ್ಟ್ಯಗಳ ಬಗ್ಗೆ ತಿಳಿದುಕೊಳ್ಳೋಣ.
ಇಂಧನ ಕೇಂದ್ರದಲ್ಲಿ ಈ ಸೇವೆಗಳು ಸಂಪೂರ್ಣವಾಗಿ ಉಚಿತ
1. ಗುಣಮಟ್ಟ ಪರೀಕ್ಷೆ: ಇಂಧನದ ಗುಣಮಟ್ಟ ಅಥವಾ ಪ್ರಮಾಣದಿಂದ ನೀವು ತೃಪ್ತರಾಗದಿದ್ದರೆ, ನೀವು ಫಿಲ್ಟರ್ ಪರೀಕ್ಷೆ ಮತ್ತು ಪ್ರಮಾಣ ಪರೀಕ್ಷೆಯನ್ನು ಕೇಳಬಹುದು. ಈ ಚೆಕ್ ಗಾಗಿ ನಿಲ್ದಾಣದ ಸಿಬ್ಬಂದಿ ನಿಮ್ಮನ್ನು ಯಾವುದೇ ಶುಲ್ಕವನ್ನು ಕೇಳುವುದಿಲ್ಲ.
2. ತುರ್ತು ಕರೆ: ಅಂತೆಯೇ, ತುರ್ತು ಸಂದರ್ಭದಲ್ಲಿ ನೀವು ಪೆಟ್ರೋಲ್ ಪಂಪ್ ನಿಂದ ನಿಮ್ಮ ಕುಟುಂಬ ಸದಸ್ಯರಿಗೆ ಕರೆ ಮಾಡಬಹುದು.
3. ಪ್ರಥಮ ಚಿಕಿತ್ಸಾ ಕಿಟ್: ರಸ್ತೆ ಅಪಘಾತಗಳು ಎಲ್ಲಿ ಬೇಕಾದರೂ ಸಂಭವಿಸಬಹುದು. ನಿಮಗೆ ಅಪಘಾತವಾದರೆ ಅಥವಾ ಗಾಯಾಳುಳನ್ನು ನೋಡಿದರೆ, ನೀವು ಹತ್ತಿರದ ಪೆಟ್ರೋಲ್ ಪಂಪ್ ಅನ್ನು ಸಂಪರ್ಕಿಸಬಹುದು ಮತ್ತು ಪ್ರಥಮ ಚಿಕಿತ್ಸಾ ಕಿಟ್ ಅನ್ನು ಕೇಳಬಹುದು.
4. ವಾಶ್ ರೂಮ್: ನೀವು ಪೆಟ್ರೋಲ್ ಪಂಪ್ ನ ವಾಶ್ ರೂಮ್ ಅನ್ನು ಸಹ ಬಳಸಬಹುದು. ವಿಶೇಷವೆಂದರೆ ಶೌಚಾಲಯದ ಶುಚಿತ್ವದ ಬಗ್ಗೆ ನಿಮಗೆ ತೃಪ್ತಿ ಇಲ್ಲದಿದ್ದರೆ ಅಥವಾ ಶೌಚಾಲಯದ ಬಾಗಿಲು ಮುಚ್ಚಿರುವುದನ್ನು ನೀವು ಗಮನಿಸಿದರೆ ನೀವು ತಕ್ಷಣ ಸಂಬಂಧಪಟ್ಟ ಕಂಪನಿಯ ವೆಬ್ಸೈಟ್ ನಲ್ಲಿ ಅದರ ಬಗ್ಗೆ ದೂರು ನೀಡಬಹುದು.
5. ಕುಡಿಯುವ ನೀರು : ಮುಖ್ಯವಾಗಿ ಪೆಟ್ರೋಲ್ ಬಂಕ್ ನಲ್ಲಿ ಜನರಿಗೆ ಉಚಿತವಾಗಿ ಉತ್ತಮ ನೀರಿನ ಸೌಲಭ್ಯ ಕಲ್ಪಿಸಬೇಕು. ಹೌದು, ಎಲ್ಲಾ ಪೆಟ್ರೋಲ್ ಪಂಪ್ ಗಳು ಶುದ್ಧ ಕುಡಿಯುವ ನೀರನ್ನು ಒದಗಿಸುವುದು ಕಡ್ಡಾಯವಾಗಿದೆ.
ಆದ್ದರಿಂದ ಅಗತ್ಯವಿದ್ದರೆ, ನೀವು ಇಲ್ಲಿ ಕುಡಿಯುವ ನೀರನ್ನು ಕೇಳಬಹುದು ಅಥವಾ ನಿಮ್ಮ ಬಾಟಲಿಯನ್ನು ತುಂಬಿಸಬಹುದು. ಇದಕ್ಕಾಗಿ ಬಂಕ್ ಡೀಲರ್ ಸ್ವತಃ ಆರ್ ವಿ ಯಂತ್ರ ಮತ್ತು ನೀರಿನ ಸಂಪರ್ಕ ಪಡೆಯಬೇಕು. ಯಾವುದೇ ಬಂಕ್‌ಗಳಲ್ಲಿ ನೀರಿನ ಸೌಲಭ್ಯವಿಲ್ಲದಿದ್ದರೆ ದೂರು ನೀಡಬಹುದು.
6. ಟೈರ್ ನಲ್ಲಿ ಏರ್ ಫಿಲ್ಲಿಂಗ್: ನೀವು ಪೆಟ್ರೋಲ್ ಪಂಪ್ ನಲ್ಲಿ ಯಾವುದೇ ಸೇವೆಯನ್ನು ತೆಗೆದುಕೊಳ್ಳದಿದ್ದರೂ ಸಹ, ನಿಮ್ಮ ಕಾರಿನ ಟೈರ್ ಗಳಲ್ಲಿ ಗಾಳಿಯನ್ನು ಉಚಿತವಾಗಿ ತುಂಬಿಸಬಹುದು. ಇದಕ್ಕಾಗಿ ಹಣವನ್ನು ಕೇಳಿದರೆ, ನೀವು ಪಂಪ್ ನಿರ್ವಹಣೆ ಅಥವಾ ಸಂಬಂಧಿತ ಕಂಪನಿಗೆ ದೂರು ನೀಡಬಹುದು.